*ശ്രീകൃഷ്ണ ജയന്തി*
         🍃🍃🍃🍃🍃🍃🍃🍃🍃🍃.  
      വർഷത്തിലൊരിക്കല്‍ മാത്രം അനുഷ്ഠിക്കാൻ കഴിയുന്ന വ്രതമാണ് 
അഷ്ടമി രോഹിണീ വ്രതം. 

അന്ന്
ഭഗവാൻ ശ്രീ മഹാവിഷ്ണു
ശ്രീകൃഷ്ണനായി 
അവതാരമെടുത്ത്
മണ്ണിൽ പിറന്ന
ദിനമാണ്

   ചിങ്ങത്തിലെ  കറുത്ത പക്ഷ അഷ്ടമിയും രോഹിണിയും
ചേർന്ന ദിവസം
അർദ്ധരാത്രിയിലാണ് ശ്രീകൃഷ്ണ
 ഭഗവാൻ  അവതരിച്ചത്

വിഷ്ണുഭഗവാൻ്റെ
പൂർണ്ണ അവതാരമാണ്
ശ്രീകൃഷ്ണ
ഭഗവാൻ്റെത്

ഈ ദിനമാണ്
 ശ്രീകൃഷ്ണ
ഭഗവാൻ്റെ പിറന്നാളായി
നമ്മൾ
വിവിധ രീതിയിൽ
ആചരിക്കുന്നതും
ആഘോഷിക്കുന്നതും

അന്നേ ദിവസം
വ്രതാനുഷ്ഠാനങ്ങളോടെ കഴിയുകയും
ഭഗവാനെ മനസ്സറിഞ്ഞ്
ഭജിക്കുകയും ചെയ്താൽ 
എല്ലാം
ക്ലേശങ്ങളെയും
അതിജീവിച്ച്
ജീവിത വിജയം
കൈവരുമെന്നാണ്
വിശ്വാസം

അഷ്ടമി
രോഹിണി ദിവസം
ഭഗവാനിൽ മനസ്സർപ്പിച്ച്
വ്രതമെടുക്കുക
എന്നത്
ഏറ്റവും വലിയ
പുണ്യവുമാണ്

ഭഗവാൻ്റെ പ്രീതിക്ക്
അത്യുത്തമവുമാണത്

വിശേഷാൽ ഋതമാണ് വ്രതമെന്ന് ഒരർത്ഥത്തിൽ
പറയാം

നിത്യേനയുള്ള
ജീവിത താളക്രമത്തിൽ
ചില മാറ്റങ്ങൾ വരുത്തിയും 
ശീലിച്ചു
പോയ
ദുശ്ശിലങ്ങളെ മാറ്റി നിറുത്തിയും
ദിനചര്യങ്ങളെ
നല്ല രീതിയിൽ നല്ല താളത്തിലാക്കുന്ന
ഒരുതരത്തിലുള്ള
ഋതം
തന്നെയാണ് വ്രതം

കുളിച്ച് ശുദ്ധമായി
ഭഗവന്നാമത്തിൽ
മനസ്സർപ്പിച്ച്
ആഹാരാദികാര്യങ്ങളെ നിയന്ത്രിച്ചു
ഭക്തിപൂർവ്വം
അനുഷ്ഠിക്കേണ്ട ചര്യയാണ് സൽക്കർമ്മമാണ്
ഏതൊരു വ്രതവും

അഷ്ടമിരോഹിണി
വ്രതമനുഷ്ഠിക്കുന്നവര്‍ തലേ ദിവസം
മുതൽ മത്സ്യമാംസാദി
ലഹരി പദാർത്ഥങ്ങൾ
 തീർത്തും ഉപേക്ഷിക്കണം

അഷ്ടമി ദിവസം
 പുലര്‍ച്ചെ തന്നെ കുളിച്ച് ശുദ്ധമായി അടുത്തുള്ള ശ്രീകൃഷ്ണക്ഷേത്രത്തിലൊ, 
അല്ലെങ്കിൽ സമീപത്തുള്ള
മഹാവിഷ്ണുക്ഷേത്രത്തിലൊ,
 ദര്‍ശനം നടത്തി വ്രതം തുടങ്ങണം

 ഭാഗവത് നാമങ്ങൾ
ഉരുവിട്ടോ,
ഭഗവത്കഥാകഥനങ്ങൾ ശ്രവിച്ചൊ ,  
പുരാണ
പാരായണങ്ങൾ നടത്തിയൊ ,
ഭഗവദ് കീർത്തനങ്ങൾ
കേട്ടോ, സത്സംഗവുമായി സന്ധിച്ചൊ ,
ആ ദിവസം മുഴുവൻ
 കഴിയണം.

 ഇതൊന്നുമല്ലെങ്കിൽ
വിഷ്ണുസഹസ്ര
നാമം ജപിച്ചു കൊണ്ടിരിക്കുകയും ആവാം

 അഷ്മി ദിവസം പൂര്‍ണതോതിൽ
ഉപവാസമാനുഷ്ഠിക്കാനായാൽ അത്രയും
ശ്രേഷ്ഠം തന്നെ

അതിന് ഒട്ടും സാധിക്കാത്തവർ
അരിയാഹാരവും സുഭിക്ഷ ഭക്ഷണവുമെല്ലാ
മുപേക്ഷിച്ച് പരിമിതമായ തോതിൽ
പഴവർഗ്ഗങ്ങൾ മാത്രം
കഴിച്ച്
വ്രതമെടുക്കുക

 ശ്രീകൃഷ്ണ
ജനനസമയമായ അര്‍ദ്ധരാത്രി കഴിയുവോളം വ്രതമെടുക്കുന്നവർ ഉറങ്ങാതിരിക്കുകയും വേണം.

തലേ ദിവസം മുതൽ
കണിശമായും
ബ്രഹ്മചര്യം പാലിക്കുകയും വേണം
 
ഏത് പ്രായത്തിലുള്ളവര്‍ക്കും സ്ത്രീ പുരുഷ ഭേദമെന്യേ
ഈ വ്രതം എടുക്കാമെന്നതാണ്
ഏറെ
സവിശേഷമായ ഒരു കാര്യം

 അതിരാവിലെയുള്ള കുളി, ഭക്ഷണത്തിലുള്ള നിയന്ത്രണം 
എന്നിവ പാലിച്ചേ മതിയാവൂ.

 അഷ്ടമിയും രോഹിണിയും ഒരുമിച്ചു വരുന്ന ദിവസങ്ങള്‍
 വിവിധ വര്‍ഷങ്ങളില്‍ ചുരുക്കമായേ ഉണ്ടാകാറുള്ളു. 

ഇത് രണ്ടും
ചേർന്ന നാളുവരുന്ന ദിനത്തിലാണ്  ഭഗവാൻ
ശ്രീകൃഷ്ണൻ
ജനിച്ചതെന്നാണ് വിശ്വാസം

അല്ലാത്ത വേളകളിൽ അഷ്ടമിയെയാണ്
പൊതുവെ ശ്രീകൃഷ്ണ ജയന്തിയായി ഇവിടങ്ങളിൽ സാധാരണയായി
കണക്കാക്കാറുള്ളത്. 

അതുകൊണ്ടാണ്
ശ്രീകൃഷ്ണജയന്തി
ദിനത്തിന്
 ജന്മാഷ്ടമി എന്ന പേര് കൂടി വന്നത്
 
  വ്രത ദിവസം പുലർച്ചെ
 ക്ഷേത്രത്തില്‍ പോയി ദര്‍ശനം നടത്തിയപോലെ
പിറ്റേ ദിവസവും
ക്ഷേത്രദർശനം
നടത്തണം

 ക്ഷേത്രത്തിൽ
നിന്നും ലഭിക്കുന്ന
തീര്‍ത്ഥപാനത്തോടെയാണ് വ്രതം അവസാനിപ്പിക്കേണ്ടത്

വ്രത ദിവസം 
രണ്ട് നേരവും ക്ഷേത്ര ദര്‍ശനം നടത്താം.

"ഓം നമോ 
ഭാഗവതേ വാസുദേവായ " 

എന്ന ദ്വാദശാക്ഷര മന്ത്രമാണ് അഷ്ടമിരോഹിണി വ്രതത്തിൽ ജപിക്കേണ്ട ഏറ്റവും
അനുയോജ്യമായ
നാമമന്ത്രം. 

ഈ ദിവസം
ശ്രീകൃഷ്ണക്ഷേത്ര
ത്തിലും
മഹാവിഷ്ണു ക്ഷേത്രത്തി
ലും കഴിവനുസരിച്ചുള്ള
വിശേഷാൽ 
വഴിപാടുകളും അർച്ചനങ്ങളും
നിവേദ്യങ്ങളും ഒക്കെ നടത്തുന്നത്
ഏറെ ശ്രേയസ്കരവുമാണ്

  
  വെണ്ണ നൈവേദ്യവും നെയ് വിളക്കുമാണ് ശ്രീകൃഷ്ണ ക്ഷേത്രങ്ങളില്‍ കണ്ടുവരുന്ന പ്രധാന വഴിപാടുകള്‍. 

രാജഗോപാല മന്ത്ര പുഷ്പാഞ്ജലി, 

പുരുഷ സൂക്ത പുഷ്പാഞ്ജലി 

എന്നിവയും
 പ്രധാന വഴിപാടുകള്‍ തന്നെ.

പഞ്ചസാര നിവേദ്യം,

 പാല്‍പ്പായസ
നിവേദ്യം,

 മഞ്ഞപ്പട്ട് ചാര്‍ത്തല്‍

 എന്നിവയ്ക്കും പ്രാധാന്യമുണ്ട്. 

അവിലും , മലരും, പഴങ്ങളും ,
 ഫലങ്ങളുമെല്ലാം
  വിഷ്ണുവിനും ശ്രീകൃഷ്ണനുമൊക്കെ പ്രിയപ്പെട്ടവയാണ്. 

ശ്രീകൃഷ്ണക്ഷേത്രങ്ങളില്‍ 
ഉണ്ണിയപ്പം, ലഡ്ഡു, എള്ളുണ്ട, പാല്‍പ്പായസം, ത്രിമധുരം,
 വെണ്ണ, 
കദളിപ്പഴം എന്നിവയും നിവേദിക്കാവുന്നതാണ്. 

 
ജന്മാന്തര പാപങ്ങള്‍ മാറ്റുന്നതിനും 
ഇഷ്ട സിദ്ധിക്കുമാണ് സാധാരണയായി വിഷ്ണുപൂജ നടത്താറുള്ളത്. 

രോഹിണി നാളിനു പുറമെ
വ്യാഴാഴ്ചയും, തിരുവോണം, നക്ഷത്രത്തിലും, നവമി, 
പൌര്‍ണ്ണമി 
എന്നി ദിനങ്ങളിലും
 വിഷ്ണു പൂജയ്ക്ക് അത്യുത്തമമാണ് 

ഏതൊരു
വ്രതവും ദേവിദേവന്മാർക്ക്
വേണ്ടിയുള്ളതല്ല
നമുക്ക്
വേണ്ടിയാണെന്നുള്ള
ചിന്ത സ്വയമുള്ളിലെന്നു മുണ്ടാകണം

നമ്മുടെ
പ്രാർത്ഥനാ
ചര്യകളാണവയെല്ലാമെന്ന വിശ്വാസം ഗാഢമായി
ഉള്ളിലുറപ്പിക്കുകയും വേണം

ഭഗവാൻ്റെ ഉത്തമ
ഭക്തനാകാൻ /
ഭക്തയാകാൻ വേണ്ടിയാണ്
ആദിമധ്യാന്തം
മനമുരുകി
പ്രാർത്ഥിക്കേണ്ടത്…